Ɛ mɔ han

Oniyé ɔn ko ni ede anu ati kikọ tuwɔn ɔn jɛ òkú onɛn. Nitohi ka lé ba awujɔ onɛ̀ ɔn sɔ̀hɔ̀ lihɔ̀hùn o cẹ́ pataki ka ba ɔn sɔ̀hɔ̀ l’edè wɔn lewo yé nɛ̀, ibehè nií: bɛsí mɔ lé yin onɛ̀ mi ɔn kpada gbà?
Ìdahun sí ìbehe nɛ̀ jɔ̀ɔ́ a da ɛgbɛ ABEWO OLUWA N'CABE nlɛ̀ l’ɔdɔn ƐGBƐHUN MEJI OLÉ MƆKƐNDILOGU ati ìfɔwɔ sɔwɔ kpɔ̀ ati ɛgbɛ yé ìjɔba kɔ lɔwɔ nnɔ hɛn yé njɛ Wycliffe Bénin.
Ɛgbɛ nɛ̀ wa l’ohilɛ̀ édé Bénin likpinlɛ Okutá. oni edè nɛ̀ ɔn wa l’agbegbe mejì: agbegbe ti cabɛ ati ti wèsè.
Ile-ucɛ nɛ̀ wa nlu Cabɛ. An cucɛ fun idagbaloke onɛ̀ ɔn (an gba itan ɔn, éekì ati éelɛ ɔn, Òwe ati ìtumɔ ɛ̀ ɔn), kikɔ́ ati kikà (uwé itɔsɔnɛ̀ ati àtakpɔ̀ ɔmɔ uwé), ìkɛkɔ gbogbogbo (ká kɔ́ ɛgbɛ onɛ̀ ɔn lɛkɔ ba an yin nkɛn ɔn kpada ati tita wɔn), Ìgbɛlahugɛ ijó wa ɔn ati àcà wa ati itumɔ l'ede Cabe (ká gbɔ́ Bibelì ati ká kà ú l'édé Cabe ati gbogbo uwé mi ɔn yé ɔ wa l'édé oyinbo n'Cabe).
An fi dahin loju f;o ni a wa fi ngbakugba ati ba ka cucɛ a win lewo ba a jɛ ɛgbɛ ati alamojuto onɛ wa ɔn.
Lewo ɔhɔ ifahamɔ yé nɛ ɔn ni an tɔhɛ acéyɔhi ucɛ wa ɔn